Leire
MUNTION ARTIÑANO
Ingurumena hobetzeko premiarekin, 2012-2013
ikasturtean Leioako Unibertsitateak Ekoscan plana abian jarri du. Ingurumenarekin solidarioagoak izateko, lan eta
ikasketa ingurunean zenbait jardunbide egitean datza plana. Paperaren erabilera
hobea egitea, kontsumoa murriztea eta paper hondakin gutxiago sortzea izango da
xede nagusia. Baita plastiko-hondakinak murriztea eta birziklatze-tasa
handitzea ere.
Helburuak
lortzeko asmoz, zenbait ekimen bultzatuko dira. Besteak beste; Dekanotzan eta
idazkaritzan paperezko eskuoihalen ordez lehorgailu elektrikoak instalatzea,
paper zuriaren ordez paper birziklatua eta klororik gabea erabiltzea, kopiak
inprimatzeko esparru komunetan erretiluak jartzea…Gainera birziklatze eta
aurrezteari buruzko aholkuak ere zabalduko dituzte campusean zehar. Dagoeneko edukontzien inguruan
informazio orriak kokatu dituzte, birziklatzeari buruzko datu eta
buruzpideekin.
Plastikozko hondakinak gutxitzeko, kafe-makinetan “edalontzirik gabe” aukera konfiguratzea
erabaki dute. Fakultateko irakasle eta ikertzaileei zein administrazio eta
zerbitzuetako langileei ere kikara bat oparituko zaie, plastikozko edalontzirik
erabil ez dezaten.Halaber unibertsitateak informazioa eskainiko du garbiguneak
non kokatzen diren zehaztuz.
No hay comentarios:
Publicar un comentario